“Armiku më i madh nuk është koronavirusi” Rama nuk harron dhe mediat, ja ultimatumi i fortë

Kryeministri Edi Rama në mbledhjen e sotme të qeverisë përsa i përket situatës së krijuar nga koronavirusi pas mbërritjes së dy rasteve në Shqipëri, ka bërë një thirrje të fortë dhe për mediat.

Ai theksoi se nuk duhet përhapur panik dhe duhet të kemi vetëpërmbajtje.

“Një apel të fortë kam edhe për mediat. Në këto momente është një përgjegjësi e madhe për shëndetin e njerëzve por edhe për mbarëvajtjen e këtij procesi. Mediat të vetëpërmbahen dhe të kenë vetëdijen se në këtë situatë armiku më i madh nuk është koronavirusi, por paniku.

Paniku që stimulohet nga burime të paçertifikuara dhe jo shkencore. Të gjithë duhet të jemi aleat në një përballje që shkon përtej të gjitha dallimeve tona”, u shpreh kryeministrit.