LIGJET E BIZNESIT
Ka nisur edhe mbledhja e jashtëzakonshme e qeverisë që u njoftua pas konfirmimit të 2 rasteve të para në Shqipëri, ku babë e bir u shtruan te infektivi në QSUT, pasi njëri prej tyre mbërriti nga Italia.
Ndërkohë kryeministri Edi Rama bën me dije se në këtë situatë është e rëndësishme të ruajmë qetësinë.
Ndër të tjera ai zbulon se ishte i riu ai që hyri nga Italia nëpërmjet pikës kufitare të Hanit të Hotit duke infektuar kështu dhe babanë.
Rama shprehet se që mbrëmë nga mesnata u përgatit dhe skenari që ishte hartuar nga komuniteti i ekspertëve.
“Siç është bërë e ditur nga ministria e Shëndetësisë, laboratori ka konfirmuar dy raste me Covit-19. Bëhet fjalë për një rast të importuar nga Firence. Një i ri 28-vjeçar që ka udhëtuar me automjetin e tij dhe ka hyrë nga Hani i Hotit, duke infektuar edhe babanë. Strukturat shëndetësore po trajtojnë të dy të prekurit. Ministrja e Shëndetësisë do të informojë më tek lidhur me masat e marra. Ajo që ka një rëndësi themelore në përballjen me këtë situatë ëshët këshilla bazë e OBSH-së është domosdoshmëria për të ruajtur qetësinë dhe për të ndjekur hap pas hapi burimer zyrtare nga sistemi përkatës shëndetësor. Përsa i takon shtetit, të gjitha masat e parashikuara duhen përshkallëzuar hap pas hapi. Që nga mesnata e mbëmshme kemi përgatitur hyrjen në skenarin e parë që ishte parapërgatitur nga komuniteti i ekspertëve.”, tha kryeministri gjatë fjalës së tij.
