Aksident i rëndë në Librazhd, raportohet për 5 të plagosur

Një aksident i rëndë rrugor raportohet të ketë ndodhur paraditen e sotme në Librazhd, në vendin e quajtur “Kthesat e Murrashit”.

Mësohet se 5 persona kanë mbetur të plagosur por fatmirësisht janë jashtë rrezikut për jetën.

Bëhet fjalë për 4 gra dhe 1 burrë që kanë marrë plagë të ndryshme. Dy prej të plagosurve janë nga Maqedonia e Veriut.

Rrethanat në të cilat ka ndodhur aksidenti janë të paqarta, ndërsa policia po punon për zbardhjen e plotë të tij.