Kërkoj 6 milionë euro nga shteti, mi rrëmbyen mafiozët/ Rrezikohet humbja e miliona eurove në rastet e arbitrazheve ndërkombëtare në Kosovë

Kosova rrezikon të humbasë miliona euro në rastet e arbitrazheve ndërkombëtare. Republika e Kosovës aktualisht është palë e paditur në katër raste të arbitrazhit në fushën e investimeve.

Në mesin e kompanive që kanë dorëzuar padi është edhe kompania e ish-Ministrit të Punëve të Jashtme dhe biznesmenit Behgjet Pacolli.

“MABCO Constructions”, e ka paditur Qeverinë e Kosovës, përkatësisht Ministrinë e Drejtësisë. Behgjet Pacolli ka vite që e llogarit si pronë të tij “Hotel Grand”-in, por gjykatat e vendit nuk e njohin si blerës.

Ai vijon më tej duke thënë se paratë për blerjen e hotelit Grand janë paguar nga llogaria e Mabco Construction në Zvicërr dhe nëpërmjet bankës më të madhe zvicerrane UBS janë paguar për blerjen e 40 përqind të aksioneve të këtij objekti. Gjithashtu është dorëzuar projekti i detajizuar për investimet dhe për këto MABCO ofroi garancionet bankare për 39 milion euro investime, investim ky I cili përvecse do ti jepte shkëlqim Prishtinës, do të punësonte gjithashtu punësimin e qindra qytetarëve.

Pacolli ka shkruar në rrjetin social “Facebook” se kompania e tij kërkon vetëm kthimin e mjeteve të veta, kërkon kthimin e 6 milionë eurove që ia kanë rrëmbyer grupet mafioze të Kosovës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Në median kosovare lexova se Pacolli në arbitrazh kërkon miliona euro në Kosovë. Kjo nuk është krejtësisht ashtu dhe duhet të qartësohet. Mabetexi kërkon vetëm kthimin e mjeteve të veta”– shkruan Pacolli.

Deputeti i AKR-së ka thënë po ashtu se në arbitrazh kompania e tij kërkon kthimin e 6 milionë eurove që ia kanë rrëmbyer grupet mafioze të Kosovës.

“Në arbitrazh, Mabetex në Lugano kërkon vetëm kthimin e 6 milion Eurove që i’u janë rrëmbyer padrejtësisht nga grupet mafioze të Kosovës, grupe këto që kishin depërtuar në institucionet e Kosovës. Sidoqoftë, nuk bëhet fjalë për paratë e Kosovës por për paratë e veta, të kompanisë që grupet mafioze në Kosovë i kanë rrëmbyer padrejtësisht”, ka shkruar ish-kryeministri.