“Nuk ta jap dorën” Habit Rama, lë ‘thatë’ arkitektin italian: Asnjëherë si dihet!

Kryeministri Edi Rama ka qenë i pranishëm sot në Maminas, aty ku mori pjesë në një aktivitet në lidhje me rindërtimin.

Ndërkohë ai nuk ka ngurruar të ‘thumbojë’ me një batutë dhe një arkitekt italian që ndodhej në bashkëbisedimin me banorët  e Shijakut, të cilëve iu janë shembur banesat nga tërmeti i 26 nëntorit.

“Nuk të jap dorën sepse vjen nga Italia” i tha Rama arkitektit dhe kjo shkaktoi të qeshura.

Por më pas në fund Rama u dorëzua dhe me shaka vendosi ti japë dorën.

“Mbase nuk dhashë një shembull pedagogjik me atë dhënien e dorës por jam jo fort i lumtur për këtë bombardim lajmesh që u bëhet njerëzve për koronavirusin që sigurisht përbën një shqetësim të madh por ajo që është e sigurtë është se krahas epidemisë ka një infodemi, të lajmeve të rreme, të komenteve pa bazë shkencore që rrit ankthin, panikun te njerëzit dhe sipas OBSH kjo pengon në përballjen me këtë epidemi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Duhet të jemi të kujdesshëm sigurisht, racionalë në të gjitha kontaktet ndaj thashë dhënia e dorës s’ishte shumë pedagogjike se nuk është çështje trimërie. Deri sot, s’kemi asnjë rast në Shqipëri. Jo ka ardhur, jo e kemi fshehur. Asgjë s’është e vërtetë. Mos ardhtë kurrë por i kemi bërë përgatitjet tona, nëse vjen do t’i përballojmë.”, deklaroi kryeministri.