“Shqiptarët janë të pagdhendur” Pas mallkimit, godet sërish Neritan Ceka: Të presin mirë në shtëpi, por…

Politikani dhe arkeologu i njohur Neritan Ceka shpeshherë është vënë në qendër të vëmendjes për deklaratat e herëpashershme në ekran.

Së fundmi ka ndodhur e njëjta gjë, ku të shikuesit janë habitur sërish.

I ftuar në programin Provokacija me Mustafa Nanon, ai është shprehur se shqiptarët e duan demokracinë por janë të pagdhendur, edhe pse në shtëpinë e tyre të presin mirë.

Pyetjes së Mustafa Nanos, se “A janë partnerët ndërkombëtarë me Ramën?”, Ceka iu përgjigj:  Nëse marrim BE nuk kam një simpati të madhe për Sorecën. Shqiptarët janë një popull i papërgatitur për demokraci. Të presin mirë në shtëpitë e tyre, por janë të pagdhendur. Ajo që jemi sot është edhe për shkak se kjo teori është mbrojtur. Personalisht nuk ndërroj shqiptarin më të fundit, me ndërkombëtarin më të parë.”

Kujtojmë se vetëm pak ditë më parë Neritan Ceka tha në studion e Ora News se gazetari Denis Dyrnjaja duhej rrahur, por shprehja që goditi më shumë ishte ajo para votimeve të 30 qershorit ku arkeologu dhe ish politikani tha se të gjithë shqiptarët nuk duhet të shkonin në zgjedhje dhe i mallkoi live ata që do të bënin një gjë të tillë.