Dënohet me 1 muaj burg për një të lëpirë akullores (Video)

Autoritetet kanë vënë në pranga një 24-vjeçar pasi postoi në mediat sociale një video duke lëpirë një akullore në një supermarket dhe më pas e futi sërish në frigorifer.

Ngjarja në fjalë ka ndodhur në Teksas të SHBA-ve. Mësohet se D’Adrien Anderson është dënuar me 1 muaj burg, 1000$ gjobë dhe është urdhëruar të paguajë 1.565 dollarë për kompaninë e akullores, Blue Bell Creameries. Nuk mjaftojnë vetëm këto, ai do të bëjë gjithashtu edhe 100 orë punë të papaguara.

Anderson u deklarua fajtor për sjellje të gabuar dhe i tha policisë se e lëpiu akulloren si shaka para se të kthehej dhe ta blinte atë.  Veprimet e Anderson shkaktuan shqetësime të publikut për sigurinë dhe cilësinë e produkteve, ndikuan në vetëbesimin e konsumatorit Blue Bell dhe shkaktuan humbjen financiare të kompanisë.