Ketrin Gjoca, një nga moderatorët më të njohura në enkranin e RTSH, ka reaguar ashpër pasi pas 30 vitesh në ekran e kanë hequr nga puna.
E ftuar në emisionin “Rreze Dielli” në Report TV, moderatorja dhe regjizorja e njohur ka treguar se e kanë hequr nga programi qe drejtonte.
“Në televizionet italiane, ata persona që kanë një eksperiencë, i mbajnë, i ruajnë. Figurat janë figura. Nuk e di pse drejtuesit tanë të televizionit, vijnë në televizion, në atë institucion publik dhe mendojnë që duke hequr figurat e ekranit që kanë gjetur atje, figura të konsoliduara, do krijojnë një televizion të ri. Në emër të të bërit ‘televizion të ri’ heqin figura të rëndësishme. Nuk është ky televizioni!”, u shpreh Gjocaj.
Ndërkohë, e pyetur pse nuk e lejonin më në ekran, moderatorja i përgjigjet:
“Në sy kaq ashpër nuk ma ka thënë njeri, por sapo erdhën drejtuesit e ri, më hoqën programin me të cilën isha në transmetim. Unë isha me një program në transmetim, aneksim në mënyrë jo elegante. Është hera e parë që e them këtë gjë, por do ta thoja edhe sikur mos të pretendoja të dilja në ekran.”, rrëfeu Ketrin Gjocaj.
