OFL ‘shënjestron’ Beratin, kush janë 2 ‘të fortët’ që duhet të tregojnë pasurinë (EMRAT)

Edhe sot ka vijuar aksioni i Operacionit Forca e Ligjit për goditjen e pasurive të vëna në mënyrë të paligjshme.

Mësohet se këtë herë OFL ka zbritur në Berat, duke shënjestruar kështu 2 emra të njohur të qytetit.

Ata janë Ervin Gavelli dhe Leonat Gavelli, dy vëllezër, të dënuar për trafik lëndësh narkotike.

NJOFTIMI ZYRTAR I POLICISE

OFL, 6 mars

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Vijon Operacioni Forca e Ligjit.

Në zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL vijon intensivisht punën për kryerjen e veprimeve komplekse, në bashkëpunim me strukturat e tjera të Policisë së Shtetit.

Në kuadër të Aktit Normativ nr. 1, datë 31.01.2020, OFL u ka dërguar kërkesat për vetëdeklarim të pasurisë, shtetasve:

1. G., banues në Berat, dënuar për veprën penale “Trafikim i lëndëve narkotike”.
2. G., banues në Berat, dënuar për veprën penale “Trafikim i lëndëve narkotike”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme.

OFL bën me dije se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar pranë OFL-së, e cila ka vijuar me procedurat, sipas përcaktimit në Aktin Normativ nr. 1, të datës 31 janar 2020.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.