“Ndodh për herë të parë në historinë e BE” Ramës nuk i del inati me Metën, ja si e nis ditën

Kryeministri Edi Rama duket i vendosur për të vijuar betejën e tij kundër presidentit Ilir Meta.

Ditën e sotme ai e ka nisur duke postuar disa mesazhe përsa i përket letrës që Kreu i Shtetit i ka dërguar komisionerit të Zgjerimit.

Rama thekson se kjo është hera e parë në historinë e Bashkimit Europian, që një president dërgon letra për të minuar të ardhmen dhe integrimin e vendit të tij.

“Për herë të parë që nga krijimi i Bashkimit Europian një president çon letra në Bruksel për të minuar urën mes Europës e vendit të tij! Për herë të parë në historinë e zgjerimit të BE një vend kandidat ka Brukselin PRO dhe Presidentin e vet KUNDËR vendit e KUNDËR vetë Brukselit..

Sa nisi terapia intensive e Reformës në Drejtësi Shqipëria nisi dhe reaksioni me temperatura të larta në organizmin e shtetit të sëmurë prej kancerit të korrupsionit!Përpëlitjet e ethshme me bojkote, molotovë, dekrete janë thjesht pasoja të intensitetit të terapisë mbi kancerin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shqipëria mund ta marrë mund të mos e marrë PO-në që meriton nga Këshilli Europian,po ama kurimi deri në fund i sëmundjes dërrmuese që i ka ngrënë trupin e shpirtin prej 30 vjetësh,as mund dhe as do ndalet dot me kriza të turpshme të provokuara nga terapia e Reformës në Drejtësi!” thekson Rama.