Arroganca e punonjësve të Bashkisë së Tiranës (FOTO)

Nëse zgjedh të bësh një lëvizje nëpër Tiranë, padyshim që përditë të ndodh të shohësh shkelje të qarkullimit rrugor nga qytetarë të ndryshëm.

Ky fakt tashmë nuk përbën lajm.

Ajo që të habit është kur vetë ai që presupozohet se nuk duhet të shkelë ligjin, e bën me të dyja këmbët dhe madje në mes të ditës.

Dhe ky është rregullatori që mban emrin shtet.

Në këtë rast bëhet fjalë për Bashkinë e Tiranës, e cila siç shihet dhe në foton e mëposhtme të mbërritur në redaksinë e Fast News Albania, ka vendosur që të parkojë mbi trotuar, duke bllokuar kështu rrugën për qytetarët  dhe duke krijuar haptazi edhe një burim aksidenti.

Edhe pse së fundmi kjo Bashki ka vendosur të kuadratojë rrugët për të parkuar qytetarët, mesa duket vetë nuk ka zgjedhur ti zbatojë këto rregulla.

Ende nuk dihet se përse ky institucion nuk ndjek ato parime që i kërkon te qytetarët, por dihet se duke parë këto pamje pyetja e parë që të vjen në mendje është: Po të ishte një njeri i thjeshtë a do të vepronte shteti?

Natyrisht përgjigja që do të pasonte është vetëm një: Do ta priste fjala GJOBË./  Fast News Albania