Kaosi në spitalin e Fierit, zbardhet shkaku i helmimit të 30 gjimnazistëve

Një ngjarje e rëndë ndodhi sot në gjimnazin “Janaq Kilica” në Fier.

Për herë të dytë brenda pak ditësh, 30 nxënës të shkollës u shtruan në spital me shenja të forta helmimi.

Nga kjo gjendje u krijua dhe një kaos, me ambulancat që niseshin nga oborri i shkollës për në spital.

Gjimnazistët kishin vështirësi në frymëmarrje dhe marrje mendsh.

Ndërkohë është zbuluar dhe shkaku i helmimit nga grupi hetimor.

Sipas të dhënave paraprake që publikon policia dyshohet se një nxënës shkolle ka përdorur një spray piperi.

Madje mendohet se është i njëjti nxënës që shkaktoi helmimin e nxënësve edhe pak ditë më parë në po të njëjtën shkollë.

Gjendja e nxënësve që janë shtruar në spital është më e qetë, ndërkohë që mësohet se Prokuroria ka nisur hetimet.

NJOFTIMI ZYRTAR I POLICISE

Sot rreth orës 11:10, në spitalin Rajonal Fier kanë shkuar për kontroll mjekësor disa nxënës të një shkolle të mesme që kanë pasur probleme me frymëmarrjen.

Menjëherë në vendngjarje kanë shkuar shërbimet e Policisë dhe grupi hetimor dhe nga veprimet e para të kryera në  bashkëpunim të ngushtë me Prokurorinë Fier, Drejtorinë Arsimore dhe Drejtorinë e Shkollës, paraprakisht  dyshohet se është përdorur sprajt piperi nga një nxënës i kësaj shkolle.

Grupi hetimor nën drejtimin e Prokurorisë vijon veprimet  për të zbardhjen e plotë të kësaj ngjarje