Rudina Hajdari ka dhënë dorëheqjen si kryetare e Komisionit të Integrimit.
Përmes një kërkese drejtuar kryetarit të Kuvendit Gramoz Ruçi, që mban datën e 26 shkurtit 2020, Rudina Hajdari, kryetarja e grupit parlamentar ‘Demokrat’ kërkon ndryshime edhe në ‘Komisionin për Edukimin dhe Mjetet e Informimit Publik’ dhe në ‘Komisionin për Veprimtarinë Prodhuese’.
Në letër ajo propozon që në vendin e saj të caktohet deputeti i opozitës së re, Halit Valteri dhe shkarkimin e Fationa Dhimitrit nga drejtimi i Komisionit për Edukimin dhe Mjetet e Informimit Publik dhe në vend të saj të emërohet deputeti Halil Jakimi.
Gjithashtu kërkon që me lëvizjen e Halit Valterit i propozuar si kryetar i Komisionit të integrimit, vendin e tij të nënkryetarit në Komisionin për Veprimtarinë Prodhuese ta zërë deputeti Arlind Cacani.
