Amnistia ‘hap’ sot dyert e burgjeve, kush janë të dënuarit që përfitojnë

Ditën e sotme do të lënë qelitë e burgjeve të gjithë të dënuarit që kanë përfituar nga amnistia.

Mësohet se do të jenë 21 gra që fitojnë lirinë, ndërsa 27 të tjera përfitojnë ulje me një të tretën e dënimit.

Të gjithë të dënuarit që deri më datë 31 të dhjetorit të kaluar kanë marrë dënim me vendim të formës së prerë, do të përfitojnë gjithashtu nga kjo amnisti.

Ndër të tjera do të përfitojnë burrat të dënuar deri në 2 vite dhe në moshën mbi 60 vjeç, që llogaritet se janë 150 në total, 23 gra dhe 2 të mitur, ndërsa 29 gra përfitojnë 1/3 e uljes së dënimit.

Kujtojmë se ky ligj u miratua në fillim të këtij viti më 30 janar dhe në 14 shkurt u dekretua nga Presidenti Ilir Meta.