LIGJET E BIZNESIT
Në Fier ka ndodhur një grabitje spektakolare më 11 shkurt të këtij viti.
Mësohet se një person i huaj i cili është vetëprezantuar si shtetas nga Azerbajxhani, ka përfituar nga rasti se kambisti ishte i shpërqëndruar, për ti marrë çantën, brenda së cilës ndodheshin 50 mijë euro.
Më pas ai ka lënë në tavolinë një cantë tjetër por gjë nuk kishte gje brenda.
Ndërkohë kanë nisur hetimet për ngjarjen dhe po verifikohet se nëse ky person i huaj që nuk është vënë ende në pranga, ka bërë apo jo vjedhje të tilla më përpara.
Nga ana tjetër vetë pronari ka deklaruar se me këtë shtetas njihej që prej një jave pasi kishte këmbyer disa herë valutë, ndoshta për të fituar besim, derisa më pas arriti të grabiste plot 50 mijë euro.
Si ndodhi ngjarja?
Shtetasi i huaj ka hyrë në pikën e këmbimit valutor me një valixhe në dorë, me kod, dhe i ka thënë kambistit se do të “thyejë” dollarë, duke blerë 50 mijë euro. Por teksa kambisti ka qenë duke numëruar paratë, shtetasi i huaj që besohet se është nga Azerbajxhani, ka shfrytëzuar një moment shpërqendrimit të tij, dhe ka marrë çantën me euro, duke thënë se do të shkojë në bankë të tërheq dollarë me të cilët do të blinte eurot, dhe është larguar.
Në dyqan ka lënë valixhen e tij me kod, ku pasi ka pritur gjatë, kambisti ka vënë re mungesën e 50 mijë eurove, dhe është detyruar të hapë me forcë valixhen e koduar duke shpresuar se të paktën brenda saj do të gjendeshin eurot. Por valixhja ka qenë bosh, pasi jashtë syrit të tij, autori kishte vepruar duke i marrë të 50 mijë eurot!
Autori është filmuar nga kamerat e sigurisë teksa qetësisht del nga pika e këmbimit valutor dhe mban në duar çantën mbushur me 50 mijë euro.
