“Mos lejoni fajtorët të shpëtojnë” Ambasadorja e SHBA bën deklaratën e fortë: Duhet ti jepni fund korrupsionit

Ambasadorja amerikane në Tiranë Yuri Kim ka bërë sot një deklaratë të fortë.

E pranishme në konferencën për sfidat e sigurisë, diplomatja e SHBA ka bërë një thirrje për të gjithë prokurorët që të mbrojnë shtetin ligjor.

Ajo ka deklaruar se 2020 është një vit i madh për Shqipërinë drejt rrugës për në Bashkimin Europian.

Ndër të tjera ajo shtoi se vendi ynë duhet të ecë përpara në sundimin e ligjit, kjo nuk është zgjedhje, por kërkesë, duhet t’i jepet fund korrupsionit, kjo po e ndalon Shqipërinë të jetë magnet për investimet.

“Është një kënaqësi të jem këtu, i vlerësoj shumë komentet. Dua të them se Luigi ka të drejtë, 2020 është një vit i madh për rrugën e Shqipërisë drejt BE-së, jemi të emocionuar dhe është nder për ne që qëndrojmë pranë Shqipërisë. Reforma që po bën Shqipëria janë shumë të rëndësishme, por edhe shumë të vështira dhe në kohë të tilla është nevojë për miqtë që të jenë më prezentë. Reforma në drejtësi ka sjellë ndryshime dhe është koha të fitohet besimi i publikut, duhet të sigurojmë suksesin.

Muajt e kaluar kanë treguar se ka disa individë që kanë qenë gati ti bashkohen punës në funksion të sistemit të drejtësisë. Jemi mirënjohës për dedikimin dhe kurajon që keni marrë për këto detyra. Zyra e prokurorisë do të përmend SPAK-un që do të ketë një rol të rëndësishëm për të luftuar krimin dhe korrupsionin.

Shqipëria duhet të ecë përpara në sundimin e ligjit, kjo nuk është zgjedhje, por kërkesë, duhet ti jepet fund korrupsionit, kjo po e ndalon Shqipërinë të jetë magnet për investimet. Në 2019 zyra e prokurorit të përgjithshëm punësoi një numër koordinatorësh, fakti që shumë individë kanë pranuar që të bëhen pjesë e kësaj është vërtetim i reformës në drejtësi. Kjo do të sjellë ndryshim në Shqipëri.

Dua të vendos në dukje edhe rëndësinë e koordinimit, është i rëndësishëm për zbatimin e reformës në drejtësi. Drejtësia duhet të cohet përpara nga kjo skuadër, që është e gatshme për të ndihmuar Shqipërinë për të ecur përpara për të luftuar krimin. Dua tu them dicka, prokurori është shërbëtor i ligjit, fajtori nuk duhet të shpëtojë dhe i pafajshmi nuk duhet të vuajë. Përdorni cdo metodë të ligjshme për të sjellë drejtësi. Duhet të përmbushen nevojat e popullit që i shërbeni, mos i lejoni fajtorët të shpëtojnë” , theksoi ambasadorja Kim gjatë fjalës së saj.