LIGJET E BIZNESIT
Refugjatët sirianë që për shkak të luftës po shkojnë në Europë, kanë sjellë tension të madh nër kufirin midis Greqisë dhe Turqisë.
Edhe pse shteti grek ka kundërshtuar kalimin e sirianëve në tokën e tyrë, në internet është shpërndarë një video me pamjet ku një gomone plot me emigrant qëllohet nga rojet bregdetare helene.
Duke cituar atë që thonë mediat e huaja, këto pamje dyshohet se janë publikuar nga autoritetet turke.
Në vijim thuhet se kjo gomone ishte nisur nga brigjet e Bodrumit dhe rojet greke nuk kanë qenë dakord që të mbërrijë në brigjet vendase dhe e kanë pënguar.
Nga ana tjetër edhe presidenti turk Rexhep Taip Erdogan akuzon rojet kufitare që kanë vrarë dy emigrantë dhe plagosjen e një personi.
Edhe autoritetet greke nuk kanë zgjedhur të qëndrojnë indiferentë, duke thënë se video është një sajesë për të komentuar situatën me emigrantët.
Erdogan ka thënë deklaruar se nuk do ta zbatojë më marrëveshjen e 2016 me BE, për të ndaluar hyrjen e emigrantëve në Europë.
Kur Turqia i ka hapur dyert e saj për migrantët javën e kaluar, “qindra mijëra kanë kaluar (në Evropë), së shpejti do të kalojnë miliona”, tha Erdogan.
Menjëherë pas kësaj deklarate të liderit turk, ka ardhur dhe reagimi i Komisonerit për Migrim në BE, Margaritis Schinas.
Ai paralajmëron Turqinë, se Bashkimi Europian nuk ka frikë dhe nuk bie pre e shantazheve dhe nuk frikësohet nga kërcënimet e këtij shteti apo të drejtuesve të tij.
