Manifestimi i 2 Marsit/ Gazetari: Presidenti dogji mandatin sot

I ftuar në studion e “Opinion”, gazetari Aristir Lumezi, komenton manifestimin e mbajtur sot në Tiranë dhe shton se Presidenti Meta dogji mandatin e tij me mbajtjen e këtij manifestimi duke bërë të njëjtin gabm si opozita.

Gazetari më tej thekson se tashmë Presidenti doli përtej kostumit të tij kushtetues është palë dhe jo mbi palët politike dhe se gjëja më e mirë do ishte dorëheqja.

Aristir Lumezi: Për mendimin tim Presidenti sot dogji mandatin, siç e dogji opozita mandatet e deputetit. E ka djegur sepse Presidenti është përfaqësuesi mbi palët, ndërsa sot ai ishte me njërën palë. Nuk pati teser partie për t’i matur se sa ishin sepse votues janë 2.7 milionë, aty nuk e di sa ishin që të thuash që jam Presidenti i të gjithëve dhe po mbaj një qëndrim. Ai sot doli përtej kostumit të tij kushtetues, atë që e lejon Kushtetuta për të qenë mbi palët, ai sot është bërë palë. Dogji mandatin për një gjë që ka dënuar veprimin e opozitës dhe nuk ka qenë dakord për këtë. Për mua në këto kushte ku është i mbytur nga mazhoranca për pushtetet apo atributet e tij kushtetuese, gjëja më e mirë do ishte dorëheqja. Mund të dalë në betejë politike jashtë Presidencës, jo me kostumin presidencial. Nëse brenda datës 15 mars, mazhoranca e merr parasysh dekretin ndryshon dhe ia lë atributet për betimin ia lë Presidentit për emërimet, çfarë ndodh? I gjithë vendi i krimit i gjithë grushtit i shtetit, bie?  Këtu është një kërcënim për të shkuar në një pakt politik ose përtej politikës.