Ironizon Artan Hoxha/ “Makinën e gjetëm, mos doni që të gjejmë edhe vrasësit tani?

Gazetari investigativ Artan Hoxha ka komentuar me anë të një postimi në Facebook vrasjen e dyfishtë që ndodhi mbrëmjen e sotme në qytetin e Durrësit.

Ai shkruan me ironi se dy të vrarët u gjetën, gjithashtu dhe Benz-n e djegur të autorëve, por vrasësit sipas Hoxhës nuk i gjejnë.

Kujtojmë se dy persona mbetën të vrarë rreth orës 18:55, në lagjen nr. 14, në rrugën afër tregut të perimeve, 35-vjeçari D.Shkoza dhe A. Avdia, 24 vjeç. Dyshohet se u ekzekutuan me armë zjarri, megjithatë rrethanat e ngjarjes së rëndë janë akoma të paqarta. Pak kohë pas ngjarjes së rëndë, në Kavajë u gjet në flakë një automjet tip Benz me targa të vjedhura, që dyshohet se u përket autorëve.