Gaz lotjellës sot në protestën e Metës? Ja detaji që ra në sy te polici në mes të Tiranës (FOTO)

Pas rreth 90 minutash në sheshin përpara godinës së kryeministrisë, presidenti Ilir Meta do të mbajë tubimin ku ka thirrur qytetarët shqiptarë në kuadër të lëvizjes së tij për mbrojtjen e Kushtetutës.

Duket se policia ka marrë masa të rrepta për mbarëvajtjen e këtij tubimi, duke angazhuar mbi 1000 efektivë në terren nga FNSH dhe Shqiponjat, dhe me forcat RENEA gjithashtu në gatishmëri.

Edhe pse opozita ka deklaruar se tubimi do të jetë paqësor, duket se policia i ka marrë të gjitha masat për skenarët e mundshëm që mund të ndodhin.

Kjo gjë është vënë re edhe në një fotografi të shkrepur në zonën e ish-Bllokut në Tiranë, ku shfaqet një efektiv i FNSH teksa mban në duar një maskë kundër gazit lotsjellës.

Pra duket se policia është e angazhuar nëse protesta mund të degradojë.

Kujtojmë se tubimi pritet të zgjasë për rreth dy orë, nga ora 17.00 e deri në 19.00.