Rama paralajmëron biznesmenët që kanë asete jashtë Shqipërisë: Mos bëni shaka që do ju kushtojnë shumë

Gjatë fjalës së tij përpara foltores së parlamentit, kryeministri Edi Rama ka paralajmëruar të gjithë biznesmenët që kanë asete jashtë Shqipërisë që të përfitojnë nga amnistia fiskale, ose ndryshe e gjitha kjo do ju kushtojë shumë shtrenjtë.

Ai u shpreh se nuk do të ketë më asnjë tolerancë nga shteti, pasi këto para që janë jashtë sistemit të formalizuar, do të konsiderohen njësoj si paratë e krimit.

“Pasi mbaron, cdo para e aset që është jashtë sistemit të formalizuar, konsiderohet para kriminale dhe aset kriminal dhe trajtohet njësoj si paratë e asetet e krimit, s’ka më asnjë tolerancë nga shteti, ne po përgatitemi të hyjmë në tjetër nivel që lidhet me nevojën që ka vendi dhe me përputhjen e sistemit të kontrollit që do të kërkohet të regjistrohen, këtu në Shqipëri, asetet e të ardhurat që emigrantët shqiptarë kanë jashtë vendin, e shteti do ketë kapacitetin që të kontrollojë të ardhurat e asetet e shtetasve të vet jashtë vendit.

Ndaj gjej rastin ti bëj thirrje të gjithë biznesmenëve me asete jashtë vendit ti deklerojnë duke përfituar nga amnistia, mos bëjnë shaka që mund tu kushtojë shumë shtrenjtë pas përfundimit të amnistisë“.