“Mos harxhoni lekët kot, maskat nuk ju mbrojnë” Rama jep këshillën e fortë për koronavirusin

Në fjalimin e tij në seancën që po mbahet aktualisht në Kuvend, kryeministri Edi Rama ka folur edhe për situatën e krijuar nga koronavirusi.

Ai u është drejtuar të gjithë shqiptarëve që të mos ndihen në panik pasi situata është nën kontroll dhe vendi ynë nuk është prekur nga koronavirusi.

Gjithashtu, duke u shprehur se nuk ka asnjë person të infektuar, kryeministri ka shtuar dhe një apel të fortë duke thënë që askush mos të blejë maska kot, pasi nuk të mbrojnë.

“Përsa i përket trajtimit të përditshëm dhe të përminutshëm nga ministria e Shëndetsisë dhe nga i gjithë sistemi për të përballuar këtë kërcënim 31 persona me siptoma të dyshimta dhe të ngjashme me ato të koronavirusit kanë rezultuar negative dhe në shërbim të numrit 127 urgjenca ka në shërbim mjekë dhe infermierë që kryen verifikime për të gjithë rastet që kryejnë dyshime.

16 mijë kontrolle janë kryer në pikat kufitare vijon të jetë i gjithë sistemi i organizuar në funksion të përhapjes për të bërë identifikimin e rastit të parë që akoma nuk është përhapur. Mos u alarmoni qëndroni larg lajmeve dhe informacioneve jo zyrtare dhe vendosni maskë në vetëdije për të përballuar rezultatet e klikimeve për të marr vetëm klikime se po vjen fundi i botës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kjo është shumë e rëndësishme për ta mbajtur mirë parasysh se nëse shohim efektet e infodemisë fjala vdekje, lajmet për të vdekurit janë më shumë se fjala shërim, por realiteti është krejt ndryshe nga çfarë mund të perceptohet nëse hyn në kanalet e informimit pa maskën e vetëdijes.

Duke folur për maskat, thirrja që bën OBSH dhe unë është që mos harxhoni lekë për maska, maskat nuk mbrojnë personat nga prekja, maskat janë  të dobishme për personelin, të prekurit dhe ata që u shërbejnë të prekurve, për të tjerët nuk kanë asnjë dobi dhe nuk mbrojnë nga asgjë, që histeria për tu maskuar që ka përfshirë botën është harxhim i parave dhe mbushje e arkave për ata që prodhojnë dhe shesin maska”, ka deklaruar kryeministri nga foltorja e Kuvendit.