LIGJET E BIZNESIT
Vetëm pak orë përpara tubimit të madh që presidenti Ilir Meta ka thërritur sot përpara godinës së Kryeministrisë, ku ka vendosur të mbledhë popullin shqiptar për mbrojtjen e Kushtetutës, presidenti Ilir Meta ka postuar një mesazh të fortë.
Ai kthehet pas në kohë, duke kujtuar kështu fjalët e poetit Fan Noli të shkruara për heroin e historisë sonë, figurën e madhe të Gjergj Kastriot Skënderbeut.
Kreu i Shtetit shprehet se ka ardhur koha që zëri i popullit të dëgjohet sa më fort, dhe uron mirëseardhjen e asaj që e cilëson si besëlidhja e re me pranverën kuqezi.
REAGIMI I PLOTE I PRESIDENTIT ILIR META
Heroi ynë kombëtar Gjergj Kastrioti Skënderbeu, siç me të drejtë ka thënë Fan Noli, do të mbetet shqiptari më i gjallë ndër të gjallët, figura më shpëtimtare dhe më frymëzuese për mbijetesë e kombit tonë, që testament na ka lënë domosdoshmërinë e bashkimit në momentet më të rrezikshme të ekzistencës së kombit tonë.
Sot në përkujtim të ngjarjes historike të Besëlidhjes së Lezhës, unifikimit kombëtar përballë rrezikut të asimilimit e shkombëtarizimit, mesazhi që na sjell nga historia, uroj të na ndihmojë ne të gjithëve për reflektuar, për t’u ngritur dhe bashkuar sa nuk është vonë, në një Besëlidhje të re, po aq të fortë e gjithëpërfshirëse, përballë një rreziku të ri pushtimi nga një sekt mafioz, pa fe, pa familje, pa atdhe, që ka marrë peng të ardhmen e çdo shqiptari!
Zëri i popullit është zëri i Zotit! Erdhi koha të dëgjohet sa më fort!
Mirësevjen BESËLIDHJA E RE me Pranverën Kuqezi! ??
