Erion Veliaj kopjon projektin e Kampusit Universitar me Institutin e Artit Kontemporan në Boston

Ditën e djeshme, kryebashkiaku i Tiranës Erion Veliaj në Kongresin e Partisë Socialiste prezantoi  projektin e Kampusit Universitar. Në një postim në rrjetin social Veliaj prezaton dhe bën publik projektin ndërsa shkruan “Nis puna për kampusin e ri universitar. Themi atë që bëjmë, bëjmë atë që themi!”.

Mirëpo, faktet tregojnë se ky projekt është një mashtrim. Ky projekt është i vjedhur dhe nuk është i ideuar apo i projektuar posacërisht për kampusin e ri të Universitetit. Projekti në të cilin, kryebashkiaku Veliaj pretendon se është ideuar për Kamusin Universitar, është foto e Institutit të Artit Kontemporan në Boston.

Në rrjet kanë nisur kundërshtimet me këtë projekt të kopjuar nisur dhe nga Partia Demokratike. Përmes një postimi në rrjetet sociale, ish-deputetja Albana Vokshi ka publikuar foto ku dhe ka vërtetuar që ky projekt është i kopjuar nga projekti i Institutit të Artit Kontemporan në Boston. Ndër të tjera, Vokshi shkruan duke ironizuar “shikoje edhe njëherë se mos ke ngatërruar fotot, se ti edhe nuk gënjen zakonisht dhe mashtrimin nuk e përdor si mjet të vetëm pune”.

Postimi i Albana Vokshit

Erjon Mashtruesi!
Ky në foto është Instituti i Artit Kontemporan në Boston, jo Projekti për Kamposin e ri Universitar!!!

Shikoje edhe njëherë se mos ke ngatërruar fotot, se ti edhe nuk gënjen zakonisht dhe mashtrimin nuk e përdor si mjet të vetëm pune!

Refuzojeni mashtrimin! Refuzojeni propagrandën!