Ditën e sotme është shtyrë dhe gjyqi ndaj pronarit të Universitetit Europian të Tiranës Henri Çili dhe 29 të tjerëve të arrestuar në kuadër të operacionit “Mezhgorani”.
Shkak për këtë vendim është bërë lidhja e gjyqtarit Dritan Hasani me Betim Shkupin, administratorin e UET.
Ai është njëkohësisht dhe personi që administron pasuritë e Henri Çilit.
Mësohet se gjyqtari Hasani ka qenë shok klase me Shkupin, i cili është po ashtu i arrestuar për këtë operacion.
Në operacionin e koduar “Mezhgorani” janë arrestuar në total 30 persona për akuza të ndryshme, si “Prodhimi dhe shitja e narkotikëve”, “Ushtrimi i ndikimit të paligjshëm ndaj personave që ushtrojnë funksione publike”, ‘’Falsifikimi i dokumenteve dhe kartëmonedhave”, “Mbajtja pa leje e armëve të zjarrit dhe lëndëve plasëse”, “Organizimi i lotarive të palejuara”, “Pastrimi i produkteve të veprës penale apo veprimtarisë kriminale”, “Fshehja e të ardhurave”, “Mashtrimi”, Moskallëzimi i krimit”, “Përkrahja e autorit të krimit” dhe “Shpërdorim detyre”.
