Ditën e nesërme pritet që të mbahet tubimi i thirrur nga presidenti Ilir Meta përpara godinës së Kryeministrisë nën moton “Besëlidhja”.
Mirëpo kjo shprehje nuk i ka shpëtuar kryeministrit Edi Rama, i cili gjatë fjalës së tij të sotme në kongresin e Partisë Socialiste e ka ironizuar këtë term duke thënë se është humbje kohe dhe degradim të merresh me “Besëliken”.
“”S’mund të jetë debat që të marrim vendin peng, debati që ka marrë mediat peng për gjithë këto kohë, besëlidhja dhe besëlikja, nuk është ky debati. Kush është me Besëlidhjen e kush me “Besëliken”. Kjo është humbje kohe, degradim dhe goditje e shpresës së në këtë vend mund të jetohet normalisht dhe se ky vend nuk është peng i atyre që dalin në TV e shafqen sikur janë ata dhe pas tyre nuk ka asgjë tjetër”-u shpreh Rama gjatë fjalës së tij.
