Nuk ka njeri në Shqipëri, që nuk e njeh Ismail Morinën, i cili njihet ndryshe dhe si Ballist Morina.
Ai kujtohet nga të gjithë për ngritjen e dronit simbolik në ndeshjen Serbi-Shqipëri në mes të fushës së stadiumit, episod ky për të cilin u burgos më pas.
Jeta e Ballist Morinës tashmë vijon në shtetin italian, ku ka krijuar dhe familjen e tij pas njohjes me bashkëshorten italiane.
Së fundmi mësohet se Ballist Morina do të vizitojë Tiranën, për t’iu bashkuar thirrjes së Presidentit Ilir Meta, për tubim ditën e nesërme përpara godinës së Kryeministrisë.
Ky manifestim do të zgjasë 2 orë, ku do të nisë në 17.00 dhe do të përfundojë në orën 19.00.
Emri i Ballist Morinës do ti bashkangjitet edhe personaliteteve të tjera që kanë konfirmuar prezencën në tubimin e 2 marsit, si kompozitori Limoz Dizdari, aktori Zef Deda, kampioni i boksit Kristian Demaj etj.
