E quajti mashtrues/ Kurti i kërkon takim urgjent Haradinajt, ja si veproi ish-kryeministri

Ish-kryeministri i Kosovës, në një dalje publike për mediat ka deklaruar se ka marrë një ftesë nga kryeministri aktual, Albin Kurti për t’u takuar. Ky takim duhej të zhvillohej urgjentisht, por ai nuk ka pranuar.

Ndër të tjera, Haradinaj është shprehur se Kurti i kishte dërguar një letër ku i kërkohej takim për të folur për tema me interes kombëtar.

“Z.Kurti sot më ka dërgu një letër, urgjent për parlament në takim. Dje ka dalë në konferencë për shtyp, ai sot më dërgon një letër më kërkon në takim me bisedu për tema të interesit nacional”, ka thënë ai.

Haradinaj ka shtuar se ia ka kthyer letrën Kurtit.

“Unë i kam kthy një letër atij, i kam treguar që jam i interesuar me bisedu, ju kam drejtuar disa herë publikisht, por, ju nuk keni gjetë kohë për një temë të cilën kam kontribu, pasi e keni marrë vendimin e keni thirr një takim sa për sy e faqe ky është më shumë se ofendim”, thotë ai.