Komisioni i Përzgjedhjes për Drejtorinë e Byrosë Kombëtare të Hetimit, i përbërë nga kreu i SPAK, Arben Kraja si dhe nga dy prokurorët Ened Nakuci dhe Behar Dibra, prej dy ditësh kanë zhvilluar intervistat me tetë kandidatët e përzgjedhur në këtë fazë. Intervistat u zhvilluan në praninë e Komisionit të Pavarur të Rishikimit i cili është me përfaqësues nga misionet e BE-së dhe Qeverisë së SHBA-ve.
Për kandidatët u përdor e njëjta metodë intervistimi, të miratuar më parë nga Komisioni i Përzgjedhjes dhe rezultatet e vlerësimit të intervistave iu shtuan rezultateve të mëparshme të kandidatëve.
Në përfundim, Komisioni i Përzgjedhjes përzgjodhi katër kandidatët më të mirë deri në këtë moment, të cilët do t’i nënshtrohen fazës përfundimtare të verifikimit. Kandidatët e përzgjedhur janë si më poshtë:
Aida Veizaj
Artur Beu
Ervin Hodaj
Idajet Faskaj
