E zbulon Rama, ja ku do të ndërtohet karantina për të prekurit nga koronavirusi

Kryeministri Edi Rama ka zbuluar ditën e sotme në Komitetin Kombëtar  të Sigurisë vendin se ku do të ndërtohet karantina në Shqipëri në rast se do të përhapet koronavirusi.

Në fjalën e tij shefi i qeverisë ka treguar se shtëpia e pushimit e Ministrisë së Mbrojtjes në Durrës do të kthehet në karantinë, madje ky vendim ka ardhur si pasojë edhe e konsultimit me Organizatën Botërore të Shëndetësisë, duke dalë në konkluzionin se kjo ndërtesë i plotëson të gjitha kushtet.

“Është për të ardhur keq që ndërkohë që bëhet politik e ka debat, askund tjetër nuk ndodh që palë të caktuara politike e individë me mandat politik të bëjnë ato që kanë bërë gjatë këtyre ditëve duke u përpjekur për të përhapur panik e për të dezinformuar. Askund nuk bëhet që karantinat të ndërohen në male apo pyje, apo larg zonave të banuara, kjo është një shpikje në vazhdën e ushqyerjes së infodemisë.

Në rastin e parë të vendosjes së karantinës ne kemi përcktuar shtëpinë e pushimit të Ministrisë së Mbrojtjes në zonën e Durrësit ku me OBSH është konstatuar se i përmbush standartet”. , u shpreh Rama.