LIGJET E BIZNESIT
Ditën e djeshme një nga lajmet kryesore dhe që bëri më shumë bujë ishte ndarja nga jeta e Nexhmije Hoxhës, gruas së diktatorit më të egër shqiptar, Enver Hoxha.
Kjo ngjarje ka sjellë edhe shumë debate, jo vetëm në rradhët e opinionit publik por edhe në studiot e emisioneve televizive.
Konkretisht historian Auron Tare dhe gazetari Fahri Balliu janë përplasur në programin “Opinion”.
Gjatë kohës që po fliste, Tare u shpreh se pas vdekjes së Enver Hoxhës, elita komuniste sollën në pushtet skalionin e dytë komunist, ku citoi dhe emrin e Fahri Balliut, për të cilin u shpreh se kishte pasur drejtoreshë Nexhmijen.
Mirëpo kjo deklaratë duket se nuk u prit aspak mirë nga Balliu, që reagoi menjëherë dhe nuk ngurroi ti përmendte Tares një episod me portretin e Enverit të cilin ia theu një mikeshë shqiptaro-amerikane dhe ai u mërzit shumë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
DEBATI NE STUDIO
Auron Tare: Si Nexhmija si ata të tjerët, pra grupi që ishte pas vdekjes së Enverit, sigurisht me parjen çfarë ndodhi në Rumani me Çausheskun, morën masa për të sjellë në pushtetin e rrëzuar, skalionin e dytë komunist. Dhe po të shikosh, të gjithë ata që drejtuan në përgjithësi lëvizjen të quajtur demokratike pas ’91, vinin nga skalioni i dytë i komunizmit. Për shembull, dhe z.Balliu këtu e njeh mirë Nexhmijen se e ka pasur drejtoreshë. Zëri i Popullit ka qenë pjesa e …
Fahri Balliu: Unë s’e kam pasur asnjëherë drejtoreshë. Gazetarët e kulturës janë gazetarë të kulturës dhe s’kishin lidhje me atë. Por ti mund të kujtosh fare mirë kur kishe zyrën në Sarandë dhe të erdhi ajo shoqja shqiptaro-amerikane dhe të gjeti në zyrë portretin e Enver Hoxhës dhe ta theu, se ti e kishe me xham. Dhe ti u mërzite. Ke dhe babanë që mban arkivolin e Enver Hoxhës, kur po del nga jashtë i veshur me uniformë. Tani po të duash ke dhe të tjera. Kështu që ajo nuk ka lidhje me këtë që thua ti. Librin kundër Nexhmijes e kam shkruar unë. Ato akulloret e Nexhmijes dhe të Enverit i ke ngrënë ti dhe vazhdon ti hash në atë parti që je.
