Këngëtarja shqiptare rrëfen vështirësitë në fillim të karrierës/ E kam nisur me 10 mijë lekë, m’i dha daja në formë simbolike

E ftuar në emisionin “Treshat” këngëtarja e njohur shqiptare Samanta Karavella tregoi më shumë në lidhje për karrierën e saj si këngëtare dhe vështirësitë që ka hasur në fillim.

Samanta tha se vështirësitë kanë qenë më shumë financiare gjë që e kanë “detyruar” të marrë edhe borxhe ose kredi në mënyrë që të realizojë klipet e saj, një prej tyre dhe klipi “Le të jetë”.

Ajo tregohet e rezervuar për shifrat duke thënë me shaka se fitonte 200 mijë euro në vit nga koncertet.

“Lekë borxh nuk kam marrë por kredi kam marrë. Ka qenë klipi “Le të jetë”. Shiko u bënë shumë vite që jam pjesë e këtij profesioni dhe sikur pak lekë të kisha mënjanë që nga koha kur e kam nisur… unë e kam nisur me 10 mijë lekë, në koncert me Sinanin. M’i dha daja në formë simbolike. Më pas kam marrë nga 50 mijë lekë nëpër koncerte. I zura ngushtë prindërit e mi por tani është shlyer kredia. E lashë mamin të merrej me atë punë. Kam një profesion të ngritur mbi sakrifica,”- tha Samanta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern