“Mjekët s’kanë maska dhe dezinfektantë”, PD akuzon qeverinë nga qendra shëndetësore të Kamzës

Ish-deputetja e PD-së, Albana Vokshi si dhe mjeku Gazment Koduzi, nga qendra shëndetësore e Kamzës kanë deklaruar se mjekët në këtë qendër nuk janë të pajisur me maska, me deinfektantë si dhe me pajisje të tjera që nevojiten në këto raste.

Kështu, në mënges të tyre, Partia Demokratike akuzon qeverinë se kjo e fundit nuk ka marrë asnjë masë për parandalimin e situatës nëse vendi preket nga koronavirusi.

Ndërkaq, ndër të tjera Vokshi u shprej se ndërkohë që qrveria bën apel që qytetarët të kujdesen për higjienën personale, si larjen e shpeshtë të duarve, dje në këtë qendër shëndetësore nuk ka pasur ujë përgjatë 24 orëve.

“Rrezik potencianal për mbërritjen e koronavirusi, pasi shteti fqinj me të cilin kemi shkëmbime, janë në gjendje alarmi. Kemi zgjedhur bashkë me doktor Koduzin, në qendrën shëndetësore Kamëz, pasi është qendër që mbulon një rajonin të madh. Është një qendër që funksionon 24 orë në ditë. Pas shpalljes së grupit të punës nga ana e kryetarit zoti Basha. Kanë ardhur qindra telefonata. Ne biseduam me disa mjekë të qendrave shëndetësore nuk janë pajisur as me doreza, as me maska, as me dezinfektantë. Mjekët e kësaj qendre, dhe stafi mjekësor është në mëshirë të fatit. Qeveria po bën propagandë. Mjeku mund të rrezikojë jetën e pacientëve, të vetes, por dhe të familjarëve, pasi mund të jetë bartës. Ne u informuan që dje kjo qendër shëndetësore nuk ka pasur ujë 24 orë. I vetmi njoftim i qeverisë është; lani duart, lani duart. Po si mund të bëhet kujdesi ndaj higjienës në këto kushte. Të gjithë mjekët janë pajisur vetëm me një maskë. Ajo është vetëm një padurimshme. Mjekët e urgjencës nuk e kanë në dispozicion. Mjekë në reparte të ndryshme të QSUT janë të papajisur me mjete elementare. Qendrat shëndetësore janë në mëshirë të fatit. Mjekët janë të parët që rrezikohen.”, tha Vokshi.