Kreu i Partisë Demokratike Lulzim Basha e ka nisur ditën me një thirrje të fortë.
Lideri demokrat e ka shfrytëzuar ditën e pushimit për ti bërë apel qeverisë shqiptarë që të marrë masa urgjente kundër përhapjes së koronavirusit.
“Të nisin menjëherë kontrollet në pikat kufitare”, deklaron Basha.
Përmet postimit në rrjetet sociale, lideri i opozitës shpreh keqardhjen për viktimat e shkaktuara në Itali nga virusi vdekjeprurës, ndërsa thekson se autoritetet e vendit tonë duhet të vihen menjëherë në lëvizje, duke nisur nga kontrollet në pikat e kalimit kufitar.
“Për fat të keq në Italinë fqinje janë shënuar viktimat e para nga coronavirus ndëkohë që po rritet numri i të prekurve prej tij. I kërkoj qeverisë të marrë masa serioze dhe të menjëhershme. I bëj thirrje autoriteteve shëndetësore të nisin kontrollet në pikat kufitare. Çdo pikë kontrolli kufitar dhe qendër shëndetësore të pajiset pa asnjë vonesë me personelin dhe aparatet e duhura për të evidentuar dhe trajtuar në kohë çdo rast të mundshëm”, thotë Basha.
