Noizy prej vitesh tashmë është një nga rrepistët më të konfirmuar në tregun shqiptar dhe ndër më të pëlqyerit nga publiku.
Por fama e tij nuk ndalet me kaq, pasi mund të themi se ai ka fansa të shumtë në numër dhe tifozë të zjarrtë që e ndjekin kudo.
Madje ndonjëherë ata mund ti shkaktojnë edhe incidente të vogla këngëtarit, ashtu si ka ndodhur edhe herën e fundit.
Në një nga koncertet e Noizyt, është ngjitur në skenë një fans dhe ka dashur të bëjë fotografi me të.
Mirëpo pas disa sekondash kanë ndërhyrë menjëherë rojet e sigurimit duke hequr me forcë të riun nga skena.
Duket se këngëtari nuk ka qenë shumë dakord me këtë gjest, por edhe pse disi konfuz nga ajo që ka ndodhur, ka vendosur të shkojë pas fansit për të plotësuar dëshirën e tij për të bërë foton.
Fansat e kanë duartrokitur këtë veprim të këngëtarit, por sigurimi nuk është ndalur, pasi nuk e ka lejuar as Noizyn të vazhdojë më tej, ndërsa fansin e kanë nxjerrë jashtë.
