Biznesmeni Besnik Leka është arrestuar ditën e sotme në aeroportin “Nënë Tereza”, pasi ëhstë kapur me armë zjarri. Sipas Top-Channel, Leka është ndaluar nga policia e Rinasit, në momentin që ishte në aeroport nga ku do të fluturonte drejt Italisë. Arma është zbuluar nga skaneri në aeroport dhe kur Leka është pyetur për të, ka deklaruar se e kishte harruar në çantë.
Biznesmeni mësohet të ketë shtuar më tej se armën e mbante edhe për vetëmbrojtje. Besnik Leka është banues në lagjen nr13 në qytetin e Durrësit, ndërsa mësohet se ai ka disa aktivitete në fushën e biznesit.