“Vlora është perlë jo plerë”, qytetarët në protest kundër mbetjeve të rrezikshme

Ditën e sotme, qytetarët e Vlorës kanë dalë në protest para portit kundër sjelljes nga Italia të mbetjeve të cilat konsiderohen si të rrezikshme.

Protesta ka marrë shkas pasi dy ditë më parë u gjetën në tragetin e linjës së Brindisit, mbetje të cilat mendohen se do të groposeshin në qytetin bregdetar. SPAK do të hetojë mbi këtë çështje.

“Qytetarët vlonjatë ju kërkoj që të na bashkoheni e të rritemi në një qytet të pastër dhe jo një plehrë që na e ka bërë Edi Rama me Dritan Lelin. Nuk mund të pranojmë që mbetjet të na helmojnë. I bëj thirrje SPAK-ut që të hetojë këtë çështje dhe të mos e lerë në dorë të Zotit,” tha një prej protestuesit

Të rinjtë mbajnë pankarta të ndryshme në duar ku shkruhen, ‘Vlora është perlë jo plerë,’ ‘Mos na helmoni fëmijët,’ etj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern