Makina përfshihet nga flakët në ecje te Pazari i Korçës

Një automjet tip ‘Benz’ C-Class është përfshirë nga flakët pasditen e sotme në Korçë.

Ngjarja ka ndodhur në afërsi të Pazarit të Korçës, ndërsa zjarrfikësja ka shkuar menjëherë në vendngjarje duke shuar flakët.

Mësohet se mjeti ka qenë në lëvizje në momentin kur është përfshirë nga flakët.

Fatmirësisht nga ngjarja nuk ka të lënduar ndërsa dyshimet e para janë për një defekt teknik.