Sonila Meço është padyshim një nga moderatoret më të sukesshme në ekranin shqiptar.
Mirëpo mesa duket të njëjtën aftësi dhe inteligjencë e ka trashëguar edhe motra e saj, Rezarta Reimann, e cila jeton prej vitesh në Gjermani.
Mësohet se së fundmi ajo po kandidon për tu zgjedhur anëtare e Këshillit Bashkiak në Nurnberg.
Deri tani ajo është shqiptarja e parë në këtë shtet që ka mbajtur postin e këshilltares bashkiake, ndërsa tani kandidon sërish me SPD-në.
Lajmin e ka bërë të ditur vetë moderatorja Meco nëpërmjet rrjeteve sociale.
“Në Shqipëri e kemi harruar atmosferën e zgjedhjeve normale, ku njerëzit ndihen të rëndësishëm, sepse vota e tyre vlen, sepse pritshmëritë e tyre adresohen, sepse takimet elektorale janë forume idesh, përballje alternativash.
Motra ime, Rezi, tashmë ka konsoliduar angazhimin e saj politik, si këshilltare bashkiake. Në mars Bavaria shkon në zgjedhje lokale, kandidatët për këshilltarë bashkiakë kanë publikuar posterin me emrat e tyre, me lista të hapura, me cv të plotë.
Doktoraturat, përvoja në administrim, formimi akademik dhe kulturor dominojnë përfaqësimin.
Si për të kujtuar se si duhet të ngjajë një fushatë dhe për kënaqësi shpirti… “- shkruan Sonila krahas fotos.
