Kanë dalë detaje të reja nga aksioni i befasishëm që zhvilloi dje Policia e Shtetit në Tiranë për goditjen e aktivitetit të paligjshëm të lojërave të fatit dhe basteve online.
Si pasojë u shoqëruan me dhjetëra persona, kryesisht administrator lokalesh.
Mësohet se mes të arrestuarve janë dhe dy emra të njohur, biznesmeni Gramoz Murataj dhe Elvis Mulaj në zonën e qytetit Studenti.
Ndërkohë që ende nuk ka një komunikatë zyrtare, sesa prej tyre u është prerë fleta e arrestit.
Gjithashtu janë sekuestruar dhe mjetet që përdornin për lojërat e fatit pa leje.
Biznesmeni Gramoz Murataj rezulton i dënuar për drogë në Itali, kurse sot ka tre kompani me licencë në vendin fqinj për lojërat e fatit.
Nga ana tjetër Ervis Milaj është njëkohësisht dhe vëllai i Natasha Mulajt, kryetares së Kolegjit të Posaçëm të Apelimit (KPA), shkalla e dytë e vettingut.
