“Të rrahu banda e dhëndrit të Qazim Sejdinit”/ Reagon Llatja për denoncimin tek Berisha

“T’u përgjigjesh gënjeshtrave të publikuara nga “Qytetari Dixhital” është humbje kohe, por në përgjigje të shqetësimit të qytetarëve të Elbasanit, sqarojmë: “Çdo gjë e publikuar është absolutisht e pavërtetë dhe qesharake. Por ata që merren me llafe, të vijojnë me llafe se vetëm këtë dinë të bëjnë. Bashkia e Elbasanit dhe Kryetari i Bashkisë Z. Gledian Llatja kanë punë për të bërë, si për Elbasanin edhe për mandatin e tretë qeverisës. “Qytetarin dixhital” e presim në Elbasan për “Javën e Verës” të shohim bashkë qytetin, të shijojmë ndryshimet pozitive që vijojnë e me atë rast të shohë me sytë e tij se si Kryetari i Bashkisë së Elbasanit ikën në punë në këmbë dhe lëviz në këmbë në çdo cep të qytetit apo fshatrave të Elbasanit. “Qytetari Dixhital” është humbje kohe për një kryetar bashkie i cili plot energji dhe përkushtim po u shërben qytetarëve të tij, qytetarëve të vërtetë, ata të cilët e zgjodhën për t’i drejtuar dhe shërbyer,”– shkruan Llatja.

Sot ish-kryeministri Sali Berisha publikoi një denoncim ku shkruante se kryebashkiaku Gledian Llatja është dhunuar nga banda e dhëndrit të Qazim Sejdinit. Ngjarja sipas qytetarit ka ndodhur rreth një javë më parë, dhe se sipas tij, dhunuesit janë banda e dhëndrit të ish-kryebashkiakut, Qazim Sejdini, Sokol Sanxhaktarit.