“Pengon investimet e huaja” Basha tregon problemin më të madh që po shkatërron Shqipërinë

Pas një konstatimi të bërë nga Dhoma Amerikane e Tregtisë se problemi kryesor që po pengon investimet e huaja në Shqipëri është korrupsioni, ka ardhur edhe reagimi i kryetarit të Partisë Demokratike Lulzim Basha.

Ai e ka mbështetur këtë konstatim duke e cilësuar si realist, dhe ka vënë në dukje pasojat e rënda të korrupsionit, i cili sipas tij po vjedh të ardhmen e shqiptarëve dhe po shkatërron zhvillimin e vendit.

REAGIMI I PLOTE I BASHES NE TWITTER

Dhoma Amerikane e Tregtisë ka konstatuar (pa asnjë surprizë) se korrupsioni është problemi kryesor që e lë pas Shqipërinë në fushën e investimeve të huaja. Është korrupsioni në nivelet më të larta që në mënyrë të pafalshme po i vjedh të ardhmen vendit tonë.

I njëjti institucion i respektuar vlerësoi po sot potencialin e jashtëzakonshëm të Shqipërisë për të thithur investime. Por ky potencial për zhvillim po shkatërrohet nga një qeveri që në gjenezën e saj ka kapjen e shtetit dhe korrupsionin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern