Lëvizja Vetëvendosje nesër kujton protestën e 10 shkurtit të vitit 2007, në të cilën mbetën të vdekur dy aktivistë.
Përveç kësaj, në këtë protestë mbetën të plagosur edhe mbi 80 aktivistë pas përleshjeve të ashpëra me policinë rumune. Policia rumune, efektivë të UNMIK’ut, gjuajti me plumba gome drejt turmës.
Protesta ishte thirrur për kundërshtim ndaj Pakos së Ahtisarit. Në atë kohë, Policia ndërhyri me gaz lotsjellës për të shpërndarë mijëra protestues, anëtarë dhe simpatizantë të Lëvizjes Vetëvendosje, të cilët tentuan të shpërthejnë kordonin e policisë së Kosovës dhe policisë së UNMIK-ut, që ishte vendosur në afërsi të ndërtesave të Qeverisë dhe Kuvendit të Kosovës.
Ushëheqësi i kësaj proteste, në atë kohë ishte, lideri i Lëvizjes Vetëvendosje, Albin Kurti, i cili tashmë është kryeministër i vendit.
Madje ai në disa momente ishte përballur keq me policinë rumune duke pasur edhe konfrontime fizike./FastNewsAlbania
