Ditën e djeshme aktori i njohur Rezart Veleshnja ishte I ftuar në emisionin “Shqipëria live”.
Aty u diskutua tema në lidhje me kinematografinë sot: “Art apo Komercializëm”.
Në momentin që po flitej për kinemanë, të dy moderatorët u shprehen se do të bënin një lidhje live me aktorin Drilon Hoxha.
Pikërisht ky fakt e ka revoltuar Rezart Veleshnjën duke u shprehur se nëse do ndodhte kjo ai do detyrohej të largohej nga paneli, pasi Hoxha sipas tij nuk është aktor dhe nuk ka shkollë.
“Nga Zamira Kita na çuat te Drilon Hoxha. Po Drilon Hoxha është nuk ka as shkollën as asgjë, të paktën ne e kemi mbaruar një akademi, kemi për çfarë të flasim. Tani filma mund të bëjë dhe një komshi te lagjja, po e ulim nivelin e bisedës fare. Jemi përballë një profesori, po më detyron të çohem nga paneli…është një njeri pa asnjë lloj backgroundi”, tha Veleshnja.
