LIGJET E BIZNESIT
Policia e Shtetit ka dhënë mëngjesin e sotëm, informacion në lidhje me operacionet që po zhvillohen në Shkodër, nga ku ndodhen dhe forcat RENEA, në lidhje me arrestimin e urdhëruesve të pengmarrjes dhe më pas vrasjes së 49-vjeçarit Jak Prenga më 17 janar.
Ndonëse nuk ka asnjë të arrestuar në lidhje me këto aksione, policia shprehet se ka në dorë prova të vlefshme që do të shërbejnë për zbardhjen dhe dokumentimin e plotë të ngjarjes.
NJOFTIMI ZYRTAR I POLICISE
Në vijim të operacionit “Resorti”, Sektori për Krimet e Rënda në Drejtorinë Vendore të Policisë Tiranë, në bashkëpunim me Forcën e Posaçme Operacionale në Policinë e Shtetit, Forcat Speciale Renea dhe DVP Shkodër, ka vijuar kontrolle të pandërprera, me qëllim sigurimin e provave për zbardhjen dhe dokumentimin e plotë të ngjarjes mbi rrëmbimin e shtetasit J. P., të ndodhur në rrugën “London”, Kamzë, si dhe kapjen e autorëve të tjerë të përfshirë në këtë ngjarje me pasojë humbjen e jetës së shtetasit J. P.
Në këtë kuadër, në qytetin e Shkodrës dhe rrethinat e saj, mëngjesin sotëm janë ushtruar kontrolle në banesa, biznese, magazina e objekte të braktisura dhe si rezultat i kontrollit janë siguruar prova të vlefshme që shërbejnë për zbardhjen dhe dokumentin e plotë të ngjarjes.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sektori për Krimet e Rënda në DVP Tiranë, në bashkëpunim me Prokurorinë e Tiranës, vijon veprimet për sigurimin e çdo prove të vlefshme që i shërben ngjarjes, si dhe për kapjen e personave të tjerë që janë të implikuar në këtë ngjarje.
