“Celularët shpërqendrojnë vëmendjen e punonjësve të policisë dhe ulin rezultatet e tyre në luftën kundër krimit”, ky është argumenti i kryepolicit të vendit Ardi Veliu. Ky i fundit, urdhëron vartësit t’i lënë aparatet e telefonit në shtëpi, gjatë ushtrimit të detyrës.
Ndërkohë, kjo masë e marrë nga Veliu, ka ardhur edhe për faktin se shumë të dhëna rreth ngjarjeve të rënda kriminale, kanë dalë në media. Urdhri nuk është pritur mirë nga një pjesë dërrmuese e oficerëve të policisë, përderisa celularin e shohin si një mjet të domosdoshëm pune.
Urdhri i plotë
Nisur nga fakti se si gjatë shërbimeve ashtu dhe kur kanë ndodhur ngjarje të rënda kriminale në territory/sector, është konstatuar dhe evidentuar se është hequr dorë nga komunikimi në radio I punonjësve të policisë, si dhe në mënyrë të theksuar punonjësit e policisë gjatë shërbimit mbajnë me vete më shumë se një cellular, shpërqëndrojnë vëmendjen gjatë shërbimit duke kryer biseda të gjata në telefon, që nuk kanë lidhje me detyrën dhe shërbimin, shfrytëzojnë dhe klomunikojknë në rrjetet sociale në kohë të zgjatur, etj. Me qëllim marrjen e masave për parandalimin, zbulimin dhe goditjen e veprimtarisë kriminale ne territor, mbulimin dhe kontrollin e territorit në mënyrë sa më efektive, pëerqendrimin e vëmendjes dhe shfrytëzimin në maksimum të kohës së shërbimit vetëm për qëllim të realizimit të detyrës. Rritjes më tej atë cilësisë dhe shpejtësisë së reagimit të strukturave policore, dërgimin e menjëhershëm të informacionit në të gjitha shërbimet e kontroll territorit.
Urdhëroj:
1.Duke filluar nga data 20 janar 2020 dhe në vazhdim, gjatë shërbimit dhe kryerjes së detyrave funksionale, komunikimi për arsye pune dhe shërbimi në strukturat vendore të policisë së Shtetit nga drejtori i drejtorisë vendore të policisë dhe deri tek punonjësi i policisë me gradën më të ulët të bëhet vetëm me radio dore.
2.Punonjësit e policisë të patrullave të përgjithshme, seksionit të forcës së posacme “Shqiponja”, seksioni i patrullës së përgj8ithshme “Motorrist” si dhe gjithë njësitë operacionale të Rendit public, duke filluar nga data 20 janar 2020, dhe vazhdim gjatë kohës së punës dhe shërbimit në mënyrë kategforike nuk duhet të mbajnë aparate celulare me vete.
3.Drejtuesit e punonjësit të policisë të këtyre shërbimeve, janë përgjegjës për zbatimin e këtij detyrimi, duke ushtruar kontroll në vazhdimësi gjatë kryerjes së instruktazhit, si dhe për ushtrimin e kontrolleve edhe gjatë orarit të punës dhe shërbimit.
