Rudina Dembacaj në krahët e Mark Frrokut, reagon ish-burri: Jeta është e thjeshtë derisa vjen një grua…

Një nga temat më të përfolura të mediave rozë kohët e fundit është ndarja e aktores Rudina Dembacaj nga bashkëshorti Aleks dhe lidhja e saj më pas me ish-deputetin Mark Frroku.

Disa ditë më parë ajo dha lajmin duke konfirmuar kështu zyrtarisht romancën me Frrokun.

Por mesa duket as ish-bashkëshorti i Rudinës nuk ka zgjedhur të qëndrojë në heshtje.

Edhe pse marrëdhënia e tyre është e mirë pas ndarjes për hir të vajzës, ashtu si kanë deklaruar, Aleksi ka postuar së fundmi një mesazh mjaft thumbues në rrjetet sociale.

Me anë të një postimi në Instagram, ai shkruan se një grua e vështirëson jetën.

‘Jeta është e thjeshtë, e butë, e qetë, e lirë, deri kur vjen një grua e vështirëson’, shkruan ai, duke nënkuptuar kështu edhe një mesazh të fshehur me siguri edhe për Rudinën.