Kuvendi nis sot seancën e parë për 2020, ja çështjet ‘e nxehta’ që do të vënë përballë deputetët

Sot nis punimet Kuvendi  dhe Komisionet Parlamentare për herë të parë për këtë vit.

Pas rreth një muaji pushim, sot hapet sesioni i VI-të i Legjislaturës së IX-të dhe në orën 17.00 do të nisë seanca.

Pra, mes deputetëve do të diskutohet një nga temat më të nxehta dhe më të lakuara , si Reforma Zgjedhore, për të cilën disa ditë më parë u arrit dhe një marrëveshje mes qeverisë dhe opozitës jashtëparlamentare.

Gjithashtu do të debatohet dhe për paketën anti-shpifje.

Seanca e sotme, e cila pritet të jetë thjesht formale do të mbahet në orën 17:00 dhe në rend të ditës janë 5 pika.

1. Hapja e Sesionit të VI-të të Legjislaturës së IX -të të Kuvendit të Shqipërisë
2. Miratimi i procesverbalit të seancës plenare të dateës 18.12.2019 (neni 44, pika 2 e Rregullores)
3. Njoftimi i projektligjeve të depozituara në Kuvend (neni 44, pika 3 e Rregullores)
4. Miratimi i Programit 6 javor të Punës së Kuvendit për periudhën 20 janar – 7 mars 2020 (neni 26, pikat 5, 6 te Rregullores, votim me shumice te thjeshte)
5. Miratimi i Kalendarit 3-javor të punimeve të Kuvendit për periudhën 20 janar – 7 shkurt 2020 (neni 27, pikat 3, 4 te Rregullores, votim me shumice te thjeshte)
6. Paraqitja ne Kuvend e kalendarit të raporteve vjetore të  organeve kushtetuese dhe atyre të krijuara me ligj për veprimtarinë e vitit 2019 (neni I 03, pika I e Rregullores)