Që prej paradites së djeshme, era e fortë ka përfshirë kryeqytetin solli sërish në vëmendje problemin e depozitave të ujit në taracat e pallateve.
Ndërkaq, ditën e djeshme një tjetër depozitë ka rënë në trotuar pranë zonës së Ish-Bllokut, në Njësinë Administrative nr. 5. Fatmirësisht nuk ka shkaktuar as dëme materiale as dëme në njerëz pasi në momentin kur është rrëzuar nuk ka pasur kalimtarë. Në të kundërt mund të ndodhte tragjedi.
Pas tërmetit të 26 nëntorit, problemi i depozitave u vu më tepër në pah. Ndërkaq, Bashkia e Tiranës ka vendosur që depozitat të hiqen nga taracat e pallateve dhe zëvendësimin e tyre në katet e para. Ndërkaq, data 31 janar do të jetë afati i lënë për konstatimet nga grupet e inxhinierëve. Këta të fundit kanë konstatuar se pesha e depozitave disa prej të cilave mbajnë nga 1 mijë litra ujë secila është e rëndë dhe e rrezikshme për pallatet sidomos për katet e fundit.
Struktura e soletës së pallateve nuk është bërë për pesha të tilla, dhe nuk ka forcën e zonë-ndarjes së kateve. Shumica e banorëve mbështesin vendimin e Bashkisë, por nevojitet më shumë punë operative në terren për vendosjen e depozitave të përbashkëta.
