Ditën e sotme Autoriteti Rrugor Shqiptar (ARRSH) nëpërmjet një njoftimi të rëndësishëm për të gjithë drejtuesit e automjeteve ka dhënë informacion për rrugët kryesore pas motit të keq që ka përfshirë vendin në orët e fundit.
Konkretisht sipas ARRSH thuhet:
Në Rajonin Verior:
Gjatë natës problem kanë qenë temperaturat e ulëta dhe era e fortë.
Ne segmentin “Kuben-Vasije” ka pasur reshje bore 4-5 cm, shoqëruar me erë të fortë në formë cikloni.
Qarkullimi realizohet normalisht dhe pa zinxhirë në të gjitha akset e e rajonit verior.
Në Rajoni Qendror:
Në të gjitha akset e Rajonit Qendror qarkullimi kryhet normalisht.
Vazhdon puna për spërkatjen me kripë në vendet ku ka akull e ngrica.
Rajoni Jugor:
Në akset rrugore të Rajonit Jugor qarkullimi kryhet normalisht.
Nuk ka pasur reshje gjatë natës. Temperatura deri në -7 ° në disa zona, si: Dardha dhe Qafa e Qarrit ku ka pasur dhe erë të fortë.
Është punuar me kriposjen e akseve.
ARRSH bën me dije se të gjithë kontraktorët janë në gatishmëri për përballimin e çdo situate.
Vijon puna për pastrimin e akseve dhe kriposjen në vendet ku ka ngrica dhe akull nga temperaturat e ulëta.
